"شوفي شنو في بالبيت و سوي أكلتج"
ما اتوقع مافي بنت ما سمعت هالجملة من أمها، و بما ان اليوم ويك اند قررت أفنتق بالأكل، و قعدت أفكر و أعصر مخي شنو أسوي، و بديت احوس بعلبة الكاكاوات و قمت أدور شنو أكثر كاكاو موجود بالبيت و الناتج كان بقايا القرقيعان "ام اند امز".
كوكيز!!!
ما اتوقع في بيت يخلى من مقادير الكوكيز!!
و المقادير:
٢ و ربع كوب طحين
ملعقتين صغار نشا ذرة
ملعقة صغيرة بيكينج صودا
نصف ملعقة صغيرة ملح
ثلاث ارباع كوب زبدة 'بدرجة حرارة الغرفة' حسب ما سألت .. على كمية الطحين المفروض تقريباً قالبين ١٠٠جم زبدة
كوب سكر أسمر
ربع كوب سكر أبيض
بيضة
ملعقتين صغار فانيلا
كوب كاكاو ام اند امز "العلب الي بالصورة تسوي اكثر من كوب"
الطريقة:
١- نسخن الفرن ١٨٠ درجة من فوق و من تحت
٢- بعدين نحط الطحين بماعون مع النشا و بيكينج صودا و الملح نخلطهم و نحطهم على جنب
٣- بعدين بالخلاط نخلط الزبدة مع نوعين السكر و نخلط لين يصير ناعم و كريمي
٤- نحط فوقه البيضه و الفانيلا و نكمل نخلط لين يختلطون عدل
٥- و بعدين شوي شوي نضيف النواشف "خليط الطحين الي سويناه اول شي"
٦- لما يختلط نحط الكاكاو و نقدر نضيف كاكاو عادي بس انا من ناحيتي اكتفيت بالام اند امز
٨- بعدين نطلع و نشيله من الصينيه نخليه يبرد
كان المفروض ينفرش الكوكيز بس ليش ما انفرش الله اعلم ان شاء الله يضبط معاكم و ينفرش
