زيارتي لمهرجان رمال الدولي

ذاك اليوم شفنا الخدامه ضايق خلقها

كانت تغسل الحوش قلنا بما ان احنا فاضين خل نطلع نونس هالمسكينه و نستانس

فكرنا

و فكرنا 

وين نروح

قررنا نروح مهرجان رمال الدولي 😍

الي بأرض المعارض

المكان شي خيال ..

المكان كله منحوتات رمليه تمثل حكايات ألف ليله و ليله

حالياً اهي أكبر قرية رمليه على مستوى العالم

أعيدها مره ثانيه

أكبر قريه رمليه على مستوى العالم

يعني الكويت عندها انجازات و شبابها عندهم ابداعات بس وين الي يقدر؟؟

المهم هذي الصور الي لقطتهم داخل القرية

لحقت على عرضين من العروض بالقريه

و هذا حجي سندباد يسلم عليكم

بالجزء هذا رحلات سندباد

و هذي الحديقة السحرية

ملاحظة: القرية فاتحة لي تاريخ ٢٦-٤-٢٠١٤

و اكاونتهم عالانستغرام @remalfest

مخدة هاري بوتر

السلام عليكم جميعاً كلكم

ذاك اليوم في يوم من أيام العطلة كنت أحوس بالنت و أحوس و أحوس لين صبعي عورني آخر شي طحت على طريقة أسوي هالشي العجيب .. للأسف مادري وين اختفى الموقع الي طلعت من الطريقة "حسيت انه الي قاعدة أكتب عنه أكلة :P" المهم سويته و كان الناتج عجيب و هذي مراحل تطور المخدة

و بعد ما طلع وجه مستر بوتر الجميل و اكتمل وديته النداف عشان يحشيه قطن و يصير مخده .. و بجذي ينضم عضو يديد حق تشكيلة المخاد الي عندي :)

أغلب الي شافوه قالوا لي كملي باجي ربعه بس انا هذا بروحه خذا مني شهر غير انه بالغصب حصلت ألوان بكرات صوف متدرجة من لون واحد .. إذا لقيت ان شاء الله بأحاول أكمل