بسم الله الرحمن الرحيم
أغلب الناس الي يعرفوني يدرون انه أنا مو صوب سوالف و مشاكل السياسة.
بس هالمرة صرت أنا بموقف "ما راح أعصب على أحد فيه" بس أبي أشتكي منه، قبل ٦ أشهر تمت الموافقة على إنه خالتي تتعالج بأمريكا -للعلم العلاج محتاج أمريكا- أول شي سووه العلاج بالخارج أخروها سنه عشان الموافقة و الناس الـ مو محتاجه شي تروح و خالتي قاعده بالكويت تعاني.
ناس صبع ريلها الصغير يعورها راحت يابت لها واسطة عشان تتعالج بره الكويت و الهدف الرئيسي من رحلة العلاج "المزعومة" السياحة و بدليل انه يطلبون وقت العلاج بالعطلة عشان يفسحون عيالهم معاهم
المهم ما علينا منهم، عليهم بالعافية رحلتهم السياحيه و يصرفون فلوس الحكومة بالعافية، حالياً صارلي تقريباً شهرين مع خالتي كمرافق مريض
و من السوالف الي صارت لنا بأمريكا:
و من السوالف الي صارت لنا بأمريكا:
أول سالفة: وصلت لنا شكاوي من المستشفى انه المكتب الصحي ما دفع فلوس العلاج حق المستشفى رحنا كلمنا المكتب الصحي عطونا من هالحجي "لا تحاتون علاجكم ماشي انتوا بس روحوا الموعد و الدفع علينا"، المشكلة مو هني المشكلة المستشفى ما راح تعطينا مواعيد إذا ما دفعتوا، ولا زالت المستشفى تتصل علينا تطالب بفلوسها على الرغم من انه الدكتور حولنا إلى مستشفى ثاني حق دكتور مختص.
ممكن أعرف متى بتدفعون؟ ولا بتوهقون المريض؟
ثاني سالفة: المستشفى بلغونا انه لازم المكتب الصحي يقدم طلب انه المريض محتاج دكتور مختص بالشيء الفلاني "كدكتور إضافي العلاج الي يعطيه يسرع عملية الشفاء للمريض"، اسبوع احنا رايحين رادين عالمكتب الصحي لين خلص التمديد و يقولون لنا انتوا لازم ترجعون الكويت
انزين و المريض المسكين علاجه شلون عليه؟
انتوا تتأخرون ما تطرشون طلب التمديد حق الكويت و احنا الي ناكلها؟؟
ثالث سالفة: مدة الاقامة المسموحة لأي انسان يطب أمريكا هي ٦ أشهر لما نطلب من المكتب الصحي و نقوله محتاجين تمديد حق الإقامه يعطينا ورقة لمن يهمه الأمر و يقول هذا شغل المكتب الدولي الي بالمستشفى كلموهم و اهم يسوون لكم الأوراق، آمنا بالله رحنا المكتب الدولي "ممكن تساعدونا بتمديد الإقامة؟" و يردونا علينا "هذا مو شغلنا" و يعطونا موقع يقولون انتوا دبروا روحكم!!!!
ثالث سالفة: مدة الاقامة المسموحة لأي انسان يطب أمريكا هي ٦ أشهر لما نطلب من المكتب الصحي و نقوله محتاجين تمديد حق الإقامه يعطينا ورقة لمن يهمه الأمر و يقول هذا شغل المكتب الدولي الي بالمستشفى كلموهم و اهم يسوون لكم الأوراق، آمنا بالله رحنا المكتب الدولي "ممكن تساعدونا بتمديد الإقامة؟" و يردونا علينا "هذا مو شغلنا" و يعطونا موقع يقولون انتوا دبروا روحكم!!!!
انا هني حق علاج ولا عشان أراكض عشان إقامة؟
حسيت نفسي مصري ولا هندي أدور لي كفيل يمدد لي الإقامة، حتى المصري ولا الهندي بالكويت مدة الإقامة له ما تقل عن سنة!!
رابع سالفة: هذا أفضل شي سووه وزارة الصحة "تقليل قيمة المخصصات المالية المدفوعة للمريض" بس المشكلة الي صارت انه وقفوا كل الشغل بالمكتب الصحي عشان بس يقرون انه بيخفضون قيمة المخصصات
و المريض شخباره بتدفعون حق علاجه ولا لا؟
الشكوى لله :)
No comments:
Post a Comment